Jessi just, adat, vê une cierte utilitât, convenience, armonie e v.i.
sinonims
stâ ben
esemplis
"o vin mostrât, in pratiche, che la nestre lenghe e va ben par tratâ cualuncue cuistion e no dome par contâ fufignis o par imbastî vilotis"
gjavât fûr di "Alo, indenant!" di Josef Marchet
lâ benloc.v.
Jessi acetât e preseât
esemplis
""Prin di dut lasse che o bevìn alc: ce cjolistu? Ti vadial ben un cafè?""
gjavât fûr di "Fûr di timp" di Jolanda Mazzon
"al è chel che al acete dut e al pare jù dut in non de comoditât, de modernitât e de pegrece inteletuâl, chel che i va ben dut parcè che nol à mai vût un pont di riferiment seri"
gjavât fûr di "Sant Jacum, là che al finìs il mont" di Antoni Beline
lâ benloc.v.
Lâ indenant cence problemis
esemplis
"e jo a sfadiâmi a dî di sì, a dî che dut al sarès lât ben, che o jerin sigûrs che ducj a varessin votât pal «sì»"
gjavât fûr di "Lis votazions" di Pieri Somede dai Marcs
"us dîs che cun doi gjai tun gjalinâr no si po lâ ben"
gjavât fûr di "Cretevierte" di Roberto Ongaro
lâ benloc.v.
Di vistîts, scarpis e sim., jentrâ, jessi de misure juste
"[lis primis scarpis] mes àn compradis tant grandis, di pôre che no mi vadin ben cul cressi, che, cuant che o soi sposât, lis ai cjoltis un numar plui piçulis"
gjavât fûr di "I furlans e la culumie" di Riedo Pup
detulis
"cuant che il vieli al duar e il zovin al vegle, il mont nol va plui ben"
"dutis no puedin lâ ben"
"la stagjon e va ben avonde fin che il timp le seconde"